Category archives: 品牌學

我這個屋村仔，由小四開始就搬到廣福村居住，年少時打校隊就在宏福苑的球場練波。到了初初搬出嚟住，就在宏福苑租住過幾年，比較近照顧家人及見見契媽。大大話話在大埔生活都有廿多年，是我結婚前生活嘅地方，是我的生命一部份。 尋日見到有友好的餐廳連鎖店、飲品小品牌、眼鏡小店都不約而同對宏福苑火燭事件作出回應。有口行行在社媒出公告的，有免費提供日用品的，有老闆在廣福分店直接派飯派湯派麵包的。 餐飲界其實係一個比較貼地嘅行業，因為人人日日都要食飯嘛，但偏偏大部份嘅餐飲人都會少接觸 branding、PR，最多都只係做吓所謂嘅 “Marketing” 。如果根據 劉青雲定 黃子華 所講， “做人無公關，食得屎嫁喇” ，今次事件，樓上所提到的三類老板 (其實有四類，轉頭講) ，好明顯粗疏地代表緊唔同嘅品牌公關處事技巧、手法及心態。 第一類，先讚，餐飲連鎖品牌 心粥館集團旗下魚米、湯加， 因為有分店在廣福商場，即係宏福苑旁邊，其實就係一齊共用嘅商場。靚仔老板親自在店前放設木枱，免費贈送麵包食物等物資給有需要嘅居民，晚上更增加時間給有需要居民入內休息。果時，物資支援都仍未到場，老板已經親力親為，沒有多多嘢講。直接做。換來的，網民及居民都話日後會多多幫襯，品牌有人性！ 第二類，老遠銅鑼灣眼鏡店免費提供眼鏡用品給宏福苑有需要居民。老實講，銅鑼灣真係好遠，如果你話廣福商場上眼鏡鋪咁做，幫助應該大好多。不過，作為一個人一個品牌，有心已經好好。都讚。 第三類，某某薄有名氣小型餐飲品牌，36小時唔夠，同一篇慰問公告於社媒戶口出3次，3 次呀，洗唔洗呀？我以為自己記錯，我好奇上Open Rice 查多次，費事屌錯人，喂呀，其實品牌得一間餐廳咋喎，而且唔係位於新界區。有咩原因要咁樣出慰問公告與大埔同在！？你同杭州日報於抖音 9 剪一條短片話貴州有一大堆人每人捐20蚊比香港救災有咩分別？你地知唔知貴州去杭州要幾耐？飛機都要飛3個鐘呀大佬，真係令人好難相信。呢類品牌有做公關，但你會想叫佢食屎啦你。 其實呀老板，係呢d 時候，你可以選擇做第四類人 – 唔出聲，唔出聲無人話你啞。 Btw, 餐飲行業為人民服務，品牌有番d人性會比較好。有心學嘢就去睇睇 路迪老師 的網誌啦。